عادات اهل مكه في السابع؟؟

يش رايكم نرجع كم سنه لورى ونشوف عادات زمان ايش كانت تقول

حنتكلم عن السابع وايش الي يحصل فيه طبعا بكل فخر الموضوع

قرأت في إحدى المجلات بعض المصطلحات الحجازية وودت مشاركتكم معي في قراءتها وهي:

الرحماني: ((بس للبزوره ))

دي الحفلة تكون في اليوم السابع للبزورة وتكون في العصر يعني وتجي في دا اليوم الدايه((كلكم تعرفوها بس دحين مافي لا دايا ولا نيله غالبا تكون ست النونو اللي قايمه بالدور دا)

تحط النونو في ((طراحه )) مرتبه ملبسه بالستان الابيض ومشغوله بالدانتيل والترتر وتدوربالنونو وتغني ((يلا معايا ... ))

يارب يارحماني بارك لنا في الغلام
يارب البريه بارك لنا في البنيه ((والبزوره وراها ))
ربي سعدنا وهنانا وادانا مولود جديد من فرح قلوبنا غنينا
مبروك سابع سعيد

وكمان بعدها تغني::

يا دايا هري هري يا دايا بيت العري
يادايا محلا مشيتك يا دايا إنتي وبزراتك
يادايا يا ست الكل يادايا منديلك فل
يا دايا هشي هشي يا دايا بطنك تمشي
يا دايا طلي في السما يا دايا عساكي العمى
ياديا اركبي البابور يادايا طلي في الناظور
يادياا انعن ابو شيبك يادايا والمشط في جيبك
والعيال يردود ياديا هري هري

وبعدين تجلس الدايا على الارض ومعاها البزوره يعملو دائره .........

وتحط النونو في غربال كبيرمفروش بقصب وتهزو وتغنيلو ووراها الاطفال:

غربلو ياغربلو حتى النونو يتغربل
غربلو يا غربلو حتى االرز يتغربل
غربلو ياغربلوا
خلي الصايغ يعملو يعملو ساعة دهب
والباقي خاتم لاموه
غربلو يا غربلو حتى الحب يتغربل

وبعدين ترفع صوتها وتدق الهوند وتقول

العليا العليا القبه الخضرا المجليه
رسول الله بيض الله وجهو

يردو عليها (( يستاااااااااااااهل))

وتقول كل اسامي العيلة واحد واحد وتقول بيض الله وشه ( وجه)

وبعدين تبدأ تدق بالهوند (( الهون )) عند راس النون وتقول

أسمع كلام أمك ولا تسمع كلام ابوك
لا تضرب أمك بس أضرب أبوك
لا تعصب أمك بس عصب أبوك

وبعدين يوزعوا حلاوه على الصغار والعاب

وشموع وتصير حرائق في الشعر لاتذكروني بالذي مضى

معليش كتبتوا بلهجة أهل جدة ... سامحوني احب كلام اهل جده وامووت فيه
واذا فيه تجاوز للكلام برضوه ...

مشكورة والله موضوعك ماشاء الله خطييييييييييييير
مرررررررررررررة عجبني
والله بس بسطة لو الواحد يسوي زي هذا السابع
وناطرة جديدك المميز
وتقبلي مروري
الملكه دودو

شكرا ياعسل على ردك الحلو متلك
واشكر لك جهودك الحلوه في ردك على مواضيعي

يسلموووا ياعسـل ع مواضيعكـ الووعة..

تحياتيـ...

تسلمي على الرد الاروعع

ميرسى موضوعك جميل جدا

تسلمي ياعسل مرورك الاروووووووووووووع

يسلموووووووو

تسلمي

شووكرا ع المــــــــــــــوضووووع