قصه أعجبتني وحبيت انقلها لكم
فيه وحده معزومه على زواج ويوم الزواج قامت الحرمه
وتروشت وتنظفت وسرحت شعرها احلى تسريحه
وسوت مكياج حلو ومرتب ولبست احلى فساتينها
وتعطرت وتبخرت وبعد ماخلصت وتكشخت اتصلت في زوجها
وقالت له اني خلصت وابيك توديني
قالها زوجها دقايق واكون عندك شوي
وجاء زوجها
الرجال يوم شافها انهبل على هالزين و هالكشخه
لانه ما يشوفها مرتبه الا في المناسبات
المهم طلبها زوجها تترك الزواج وتقعد معاه قعده حلوه ورومنسيه
ويبي يخليها احلى ليله وراح يعوضها عن الزواج ..
قال لها اقعدي معاي وننبسط ونسهر ونجيب اكل من برا الزوجه وافقت
راح الرجال مستعجل وجاب العشاء ودخل بيته
ولقا اختنا بالله فاصخه فستانها ولابسه قميص البيت>>القطن وغاسله المكياج وفاكه التسريحه وحاطه
في شعرها زيت ورابطته
الرجال عصب وسألها ليش غيرتي ملابسك
وليش سويتي في نفسك كذا
قالت الفستان ضايقني وفصخته وغسلت المكياج
ماله داعي بشرتي تتعب وانا بالبيت وزيت شعري عقب الرغوه والاستشوار عشان ما يخرب شعري ويصير يابس
وتصدق توي احس في الراحه يوم لبست هالقميص
قام الرجال يصاارخ عليها وقالها الزينه بس للناس
وانا زوجك ماتهتمين فيني
وقال لها والله ماتذوقين العشاء والحين تروحين قدامي للزواج
وتدخلين عليهم كذا وانتي في شكلك هذا والا ماراح تقعدين في البيت
حاولت فيه الحرمه من هنا ومن هنا ماقدرت لان الرجال حلف
وفي النهايه مالها حيله قامت ولبست عبايه ودخلت الزواج كنها شحاذه وتركها الين اخر الليل وكل اللي في العرس شافوها
وهي يا حرام طايح وجهها بين الحريم
بس تستاهل